Un purtone
U purtone Miriadi hè natu da u prughjettu Miriadi (2012-2015). Da quì à pocu hà da offre à tutti i publichi interessati a pussibilità di amparà varie lingue in furmazione in linea, adatte à prughjetti pedagogighi d’insignanti è/o d’ urganisimi chì adupreranu u purtone. L’uniche custrette de ste furmazione sò a pratica di l’intercapiscitura è un travagliu in reta di squadre chì s’acconcianu strada faccendu.
Per l'intercepiscitura in linea
L'intercapiscitura hè una pratica simplice basta à aduprà a so lingue cun ghjente chì elli parlanu a soia cuntrastà inseme ciò chì piglia un certu tempu in l’amparera di a gestione di e lingue in leia cun e lingue in prisenza è u ripertoriu linguisticu di i participanti. U spaziu di furmazione di u purtone prupone issa pratica per a messa in cummunu di publicazione è altri travaglii cullettivi.
A a pratica di l’intercapiscitura s’aghjusta un’amparera urizuntale ( trà i participanti) induve ogni personna ampara à mezu à u so gruppu suciale poi cun l’altri in un gruppu plurilinguu chì nasce in giru à un prughjettu cummunu. I scinari pedagogichi scelti si facenu per via di una neguziazione trà i rispunsevuli pedagogichi di tutti i gruppi lucali.
Una reta
Una reta di personne è di varie entità, cum’è università, scole, assuciazione, intraprese, permette u scontru è a cuncipitura di prughjetti di furmazione in linea per u più framessi (in scola è in linea). Issa reta hè a reta Miriadi chì hà un spaziu à prò per tutte l’interazzione trà quelli chì l’adopranu.
Da pudè gestisce st’inseme, assicurà l’andatura di u situ, è a prumuzione di l’ attività, poi sustene a ricerca in lu duminiu di l'intercapiscitura in linea, un’ assuciazione composta da e personne vuluntarie di a reta, detta APICAD (Assuciazione Internaziunale Per a Prumuzione di I'Intercapiscitura à Distanza), hè stata creata.