Skip to main content

Tumasginu è a patecca

Testu

Sò Tumasginu u Boiu
È sta mane aghju una fame tremenda
À nantu à u tavulina di a cucina
Si trova una scatula di biscuttini…
A avà, ùn ci hè più, è via,
Chì mi possu sciaccà torna ?
E s'o andessi à vede u mo cucinu
Stà in campagna è in lu so friscò hà di tuttu

Ma à meza strada, u mo nasu sussura:
« Tumasginu u senti u muscu di u zuccheru ? »
Iè, u sentu, li dicu, hè dulcissimu
Da induve venerà ?
Guarda li dissenu l’ochji
E tandi l’apri sburlati
è ti si vede una pala verde (è un pocu bianca)
M’avvicingu è ne ne toccu una
Ma cusì liscia dice a me zampa accarezzendula
E dentru cumu serà ?
Prontu prontu, di un colpu chinese l’apru
E l’arechje mi dicenu. Chì sciuppitu stranu ?
Pare quellu di un ghjacciu chì scioppa sottu à l’acqua calda
Una scrizzula ma chjuca chjuca
E nentru, maraviglia, hè rossu rossu pichjulatu di granelli neri…
« Quale hà spaccatu a me pateca ? »
Mughja, in zerga u zappaghjolu
Ma mi vede è dice:
« Fà puru o sgiò boiu,
Assaghjalu puru stu fruttu squisitu,
Senza lascia buchje per piacè
Leccati puru, fà a modu toiu ».
A mo bocca è a mo lingua dicenu :
“stu sapore, sta dulcezza »
Sdrughje guasi tutta sottu à i mo dintoni
In quattru è trè a m’ingolu,
ma sò sempre famitu,
ne manghju un’altra, è torna una

A me panza hè ingrussata
Hè sprupusitata è…
Scusate…ùn possu più parlà…
Mi tocca à..fà calcosa…mi scappa

Testu adattatu

TUMASGINU È A PATECCA

- SÒ TUMASGINU U BOIU,

È STA MANE,

AGHJU UNA FAME, MA UNA FAME, TREMENDA !

IN CUCINA TI VECU UNA SCATULA,

PIENA DI CANISTRELLI,

GHJUSTU À NANTU À U SCAMBELLU.

CAMPAZIONE !

CANISTRELLI ÙN CI N’HÈ PIÙ !

M’AGHJU TUTTU SCIACCATU !

È AVÀ CHÌ MI POSSU SCIACCÀ ? 

APRU A PORTA,

VOGLIU ANDÀ

IND'È U MO CUCINU.

STÀ IN CAMPAGNA,

È IN LU SO FRISCÒ CI HÈ DI TUTTU .

È VIAGHJA È VIAGHJA…MA À MEZA STRADA,

- U MO NASU SUSSURA :

«  UMM U SENTI STU MUSCU INZUCCHERATU ? »

- IÈ, È CUMU, U SENTU ! UMM,

CUSÌ DOLCE,

DA INDUVE VINERÀ ?

- I MO OCHJI MI DICENU :  

« GUARDA ! »

È TANDU APRU L’OCHJI SBURLATI,

È TI SI VECU STE PALLE VERDE (È UN POCU BIANCHE)

SPARTE À MEZA TARRA.

M’AVVICINGU È NE PASPU UNA.

- A ME ZAMPA, MI DICE :

«  MA CUSÌ LISCIA !

È DENTRU CHÌ CI SERÀ ? »

PRONTU PRONTU, A SPACCU IN DUI,

DI UN COLPU SECCU DI CUNG FÙ,

- E MO ARECHJE MI DICENU :

«  CHÌ TROSTU STRANU ! 

PARE UN GHJACCIU CHÌ SCIOPPA

SOTTU À L’ACQUA CALDA

UNA SCRIZZULA, DOLCE DOLCE. »

DENTRU, CHÌ MARAVIGLIA ! HÈ TUTTU ROSSU,

SUMINATU DI GRANELLE NERE… 

QUALE HÀ SPACCATU A ME PATECCA ? »

MUGHJA, IN ZERGA, L’URTULANU

POI MI VEDE È MI DICE :

- MANGHJA, MANGHJA O SGIÒ BOIU,

CAMPATI CÙ STU FRUTTU GUSTOSU.

MICCA A BUCHJA, PER PIACÈ…

VÀ BÈ, VÀ BÈ, FÀ CUM’ELLA TI PARE ! 

A MO BOCCA È A MO LINGUA MI DICENU :

 - UMM, HÈ UN DELIZIU !

STRUGHJE GUASI TUTTA SOTTU À I MO DINTONI. 

IN QUATTRU È TRÈ,

L’AGHJU INGULITA, SANA SANA,

È SÒ SEMPRE FAMITU !

NE MANGHJU UN’ALTRA,

È TORNA UNA È DALLI.

MA COSA CI HÈ ?

UUH, LA ME PANZA

FACE BUM BUM…

- SCUSATE…

ÙN POSSU PIÙ PARLÀ…

OHIMÈ ! MI SCAPPA …

AVÀ VÀ MEGLIU,

AGHJU A PANZA VIOTA.

- CH’AVETE À GUARDAMMI CUSÌ ? 

MI DATE UN CANISTRELLU ?