Texte
1
Dze si Toumì, lo bou,
é... vouì lo mateun
dz'i granta fan.
Dedeun la quezeun-a
lèi son de douhe p'an bouihe.
La bouihe l'è pouzéye
su lo tabourè. Youpi !
4
Ll'a pomì gneunca l'ombra d'eun douhe,
dz'i to pecó ; â diquè poui-dzò
euncó piqué d'otre ?
Dz'ivro la pourta, dz'i voya
d'alé vire mon quezeun.
Llu reuste eun campagne, é son
frigo l'è todzor plen de bague.
6
Mi, a mi tsemeun...
Mon nou me di : « Toumì, te sen-heu
hi bon flo douhe » ?
« Vouè, dze lo sento », que bon,
de ioi veun-tì hi bon flo ?
8
Me joué me diyon : « aétsa »
Adòn dze ivro amoddo le joué,
é dze vèyo de grouse robatte verde
(é an miya blantse)
épatéye pe tèra.
10
Dze m'aprotso é dze nen totso eunna,
Ma cocca me di :
« que l'è-tì choueudza ! »
É dedeun comèn l'è-tì ?
Adòn dze la ivro atò
eun cou secque de Kung fu.
12
É me bougno me diyon :
« queun drolo de tapadzo ! »
Eun diyeue lo tapadzo de la llahe
dézò l'ée couèizènta,
eun piquioù tapadzo, eun tapadzo
que a pen-a que se sen.
Dedeun l'è an mervèille, l'è totta rodze,
pecotéye de pitchoù gran nia.
14
« Qui l'è que l'a casó ma coucha rodze ? »
eurle lo campagnar amalichà.
Aprì me vèi é di :
« peucca, peucca mocque mesieu lo bou,
profita de hi frouì délisieu ».
« Sensa la par, teuteunle ! ...
Bon bon, fa tcheucca comèn t'ou ! »
16
Ma botse é ma lenva me diyon :
« Mmmmh ! l'è fran boun-a,
é l'è tendra, stra bièn ! »
Waouh ! Caze que fon
euntrì me di.
18
Eun dô seconde
dz'i to pecó
é dz'i euncó fan,
nen peucco eungn'otra
é aprì euncó eungn'otra.
20
Mi, diquè capite-tì ?
Ma panhe l'è gnan-iya
énorma é...
« M'eungrae, dze pouì
pomì prédjé... »
Oh la la ! Dze pouì pomì
retchan-ì.
22
Hi cou va bièn mioù,
ma panhe l'è vouida.
« Diquè v'èide-vò
a maitché ? »
« Pouì-dzò aì eun douhe ? »
Références
Les auteurs de ce conte sont Alberto Giammaruco et Mauro Scarpa. Nous avons leur aimable autorisation pour l'utilisation pédagogique de ce conte et sa traduction dans toutes les langues du projet Lectŭrĭo+. Ce conte existe sous forme de livre aux éditions Kurumuny.