<p>Salute, Insignante à l'Institutu Superiore di u Prufessuratu è di&nbsp; l'Educazione à l'Università di Corsica Pasquale Paoli, m'occupu di a furmazione di i Masters1 è 2 Mistieri di a furmazione in Lingua è Cultura Corsa, dapoi u 1996 ( prima à l'Institutu Universitariu di Furmazione di i Maestri divintatu l'ESPE (Scola Superiore di u Prufessuratu è di l'Educazione è oghje INSPE)). Aghju dinù in carica una parte di a furmazione cuntinua di i prufessori (grand plan Langue corse), u seguitu di i prufessori stazianti è prufessiunali in li stabilimenti è u seguitu di i memorii M2. M'impegnu dinù in a scrittura teatrale, u studiu di i mitti, l'adatazzione di fole è a messa in voce è musica di scritti. M'interessu assai à e lingue è culture, à l'innuvazione in linea è à l'IC. L'urganisazione di un seminariu animatu da Maria Helena Araujo e Sà è Sandra Garbarino in Corti d'ottobre di u 2014, ci hà apartu spazii novi è a pussibilità di participà di più. Cercu à mettu l'IC à u centru di u prughjettu di a nostra Università è d'assucià l'Università di Coventry cun l'inglese cum'è verga trà e lingue rumane (online bridge) per apre sessione à nantu à MIRIADI. Un Erasmus in Coventry è una sperienza cù Pascale Trarieux è u Dr Elwyn Lloid à nant'à Moodle cù studienti corsi è inglesi hè statu à l'iniziu di u solcu IC in linea. Vina dopu à una prova di furmazione in linea accunsegliata da u Pr Alexandra Jaffe à nant'à Galapro. Ci hè da fà, per l'IC ; furmazione per l'insignante, i studienti, , furmatori, persunali (BU...).... è u travagliu à nantu à e riprisintazione hè impurtante dinù. U scopu hè di scrive l'IC in li curricula è di cuntabilizà in crediti d'insignamentu è per a furmazione cuntinua in diplomi o abilitazione. Urganizemu une poche di sessione da prisintà e pussibilità, da attrae i studienti è altri furmatori è da assucià l'attività à l'andi di ricerche di a nostra Unità Mischjata di Ricerca Lochi Identità Spazii è Attività. A dinamica di squadre pluridisciplinarie è d'incruciature di e lingue, parè è pinsà hè per mè un inghjocu impurtante. mi pare dinù di primura d'assucià altre dinamiche cum'è quella di l'associu RobotiCamp per a prugrammazione à publichi varii da a prima età sin'à furmatori,di furmatori da studià novi modi d'amparera è di manere di fà.</p>