Skip to main content

Ressources (Lekip 2)

Submitted by daniellapm on

https://www.miriadi.net/ressources

kelly Ang-Ting Hone

Apre mo premie lektir, mo trouve ki tex-la pa tro long me ena enn de mo pa tro sinp pou tradir.

Wed, 04/04/2018 - 12:14 Permalink
kelly Ang-Ting Hone

Ki zot propoze pou tradiksion 'Vocabulaire Fondamental du Plurilinguisme Roman' par exanp?                                                                                                                                                                

Wed, 03/21/2018 - 12:07 Permalink
Emmanuel Thomasoo

Wi Kelly. Bann mo kouma 'Corpus de contes' ou 'Glossaire' par exanp.

Wed, 03/21/2018 - 12:05 Permalink
kelly Ang-Ting Hone

Mo propoze ki nou esey konpran bann term konplike-la avan nou esey tradir zot. Par exanp 'Corpus' vedir enn lansanb.

Wed, 03/21/2018 - 12:17 Permalink
kelly Ang-Ting Hone

Ki zot propoze pou tradiksion 'fiches d'évaluation'  ? 

Wed, 04/04/2018 - 12:15 Permalink
Kelly Leonide

 Kouma nou kapav tradir 'plurilinguisme'?

Eski nou demann lekip 6, ou bien zot ena bann propozision?

Wed, 04/18/2018 - 12:38 Permalink
Kelly Leonide

Mo dakor avek tradiksion-la Kelly.

Me pou 'Vokabiler fondamantal Plurilinguisme Roman' pa plito nou met 'Vokabiler inportan pou plurilinguisme Roman' ?

Wed, 03/28/2018 - 12:43 Permalink
Kelly Leonide

Pou 'Les partenaires du projet Lectŭrĭo+ constituent un corpus de contes multilingues.' mo propoz ' Bann partener proze Lectŭrĭo+ inn kre enn lansanb kont multilingues.'

 

Wed, 03/28/2018 - 05:34 Permalink
kelly Ang-Ting Hone

Sori mo finn bliye sa bout-la.

Wed, 04/18/2018 - 13:18 Permalink
kelly Ang-Ting Hone

Mo trouv li bon mwa osi.

Wed, 04/18/2018 - 13:20 Permalink
Emmanuel Thomasoo

Mo trouv 'Baz aktivite' enn meyer tradiksion. 

Wed, 03/28/2018 - 14:28 Permalink
kelly Ang-Ting Hone

Lekip 6 inn konfirm tradiksion term "fiches d'évaluation" : 'form evaliasion' .

Wed, 03/28/2018 - 14:41 Permalink
Kelly Leonide

Dakor.

Mo pa trouv okenn koreksion ankor pou fer.

Eski zot ena kitsoz pou azoute ouswa nou kapav finaliz li e met lor pad?

Wed, 04/18/2018 - 12:42 Permalink
kelly Ang-Ting Hone

Bonswar. Sori mo ti ena enn problem koneksion. Ala tradiksion final ki mo pe met lor pad :

Bann resours

1.Sistem referans

2.Baz aktivite

3.Vokabiler fondamantal Plurilinguisme Roman

4.Lansanb bann kont

5.Bann resours otoformasion Galanet

6.Glossaire

7.Video

8.Bann dokiman proze MIRIADI (Desam 2012-Desam 2015)

 

Sistem referans

 

Nou sistem referans de bann konpetans pou interkonpreansion pou bien ede pou oriant bann formasion

Baz aktivite 

Ena enn variete aktivite ek bann form evaliasion ki disponib ek ki anrisi bann formasion

 

Vokabiler fondamantal Plurilinguisme Roman

 

Lansanb bann kont

Bann partener proze Lectŭrĭo+ inn kre enn lansanb kont multilingues.

Bann resours otoformasion Galanet

 

Glossaire

 

Video

 

Bann dokiman proze MIRIADI (Desam 2012-Desam 2015)

 

Portay-la  pou propoz bann lezot resours kre an partikilie pou formasion interkonpreansion ek fri mutualisation bann resours bann manb rezo-la.

 

Video

Vokabiler fondamantal Plurilinguisme Roman

Tue, 04/03/2018 - 17:45 Permalink
Kelly Leonide

Merci Kelly.

Ki paz zot propoze pou nou tradir apre sa paz 'resours' -la?

Tue, 04/03/2018 - 18:06 Permalink
Emmanuel Thomasoo

Mo propoz paz 'L'espace du réseau et de l'association' dan paz 'Aide'. Eski kiken deza pe tradir sa paz la?

Tue, 04/03/2018 - 18:17 Permalink
Kelly Leonide

Wi Emmanuel, mo dakor ek paz-la parski so longer bon.

Non, person pan dir par mail ki zot p fer tradiksion sa paz-la.

Wed, 04/18/2018 - 12:14 Permalink
Kelly Leonide

Anou koumanse par lir li, pou rode si ena difikilte.

Lerla apre nou diviz tradiksion-la an trwa parti.

Eski zot dakor?

Tue, 04/03/2018 - 18:31 Permalink
Emmanuel Thomasoo

Wi mwa mo dakor. Nou kapav osi diskit ansam bann mo ar ki nou pe gain difikilte pou tradir.

Tue, 04/03/2018 - 18:39 Permalink
Emmanuel Thomasoo

Eski ena enn lot paz ki zot propoze?

Tue, 04/03/2018 - 18:47 Permalink
kelly Ang-Ting Hone

Bonswar ankor enn fwa. Mo dakor ar swa paz-la ek mo trouv etap initial ki Kelly inn propoze bien bon.

Tue, 04/03/2018 - 19:01 Permalink
Emmanuel Thomasoo

Paz la divize an nef parti, alors mo propoze ki nou fer trwa parti sakenn.

Tue, 04/03/2018 - 19:11 Permalink
kelly Ang-Ting Hone

Mo panse nou kapav diskit bann difikilte ki nou pe trouve dan nou parti avan saken koumans tradir so parti.

Wed, 04/18/2018 - 13:28 Permalink
Emmanuel Thomasoo

Mo'nn met bann parti pou tradir la anba, sakenn kapav swazire ki parti li anvi fer:
1.Figurer sur la carte du réseau
2.Entrer dans l'espace réseau
3.Mettre à jour son profil
4.Entrer dans une équipe locale ou dans un groupe de travail

4.1.Entrer dans une équipe locale
4.2.Entrer dans un groupe de travail

5.Créer son équipe locale
6.Créer un groupe de travail
7.Proposer une session nouvelle

Tue, 04/03/2018 - 19:14 Permalink
Emmanuel Thomasoo

Dakor mwa mo pou fer deziem parti.

Tue, 04/03/2018 - 19:19 Permalink
Kelly Leonide

Sa pa poz moi problem Kelly.

Mo fer trwaziem parti mwa.

Tue, 04/03/2018 - 19:19 Permalink
kelly Ang-Ting Hone

Dakor smiley Saken travay so parti ek nou kapav reget li dan lansanb apre pou fer tex-la vinn iniform.

Tue, 04/03/2018 - 19:27 Permalink
Emmanuel Thomasoo

Kouma zot panse nou kapav tradir 'l'onglet " Qui est qui "' ?

Tue, 04/03/2018 - 20:02 Permalink
Kelly Leonide

Mo'nn gagn mem problem pou ' QUI EST QUI ' e finalman mo'nn tradir li 'KI SANLA KI SANLA' . 

E 'onglet' mo pa'nn resi tradir. Nou bizin verifie ek lekip terminolozi parski ti deza ena sa mo la dan enn paz ki'nn fini tradir.

Wed, 04/18/2018 - 12:25 Permalink
kelly Ang-Ting Hone

Tradiksion mo parti :

Lespas rezo-la ek asosiasion

1. Pou paret lor kart rezo-la
2. Pou rant dan Lespas rezo
3. Pou met ou profil azour
4. Pou rant dan enn lekip lokal ousa enn group travay
4.1 Pou rant dan lekip lokal
4.2 Pou rant dan enn group travay
5. Pou kre ou lekip lokal
6. Pou kre enn group travay
7. Pou propoz enn nouvo session

Pou paret lor kart rezo-la

Nou rezo planeter vizib lor enn kart,me sak manb ena enn kitsoz pou fer pou ki li paret lor la.

Rant dan « Mo kont » , apre dan « Geographic location » ek met ou ladre. Met omwin de eleman : ou pei ek lavil. Apre, anrezistre.

Pou rant dan lespas rezo

Enn fwa ou’nn inskrir ou lor sit-la, ou kapav al dan Lespas rezo si ou swiv bann instriksion sa paz-la. Pou rant dan Lespas rezo, ou bizin swazir li dan « Mo bann sesion » swa sanz sesion si ou dan enn lot sesion.Lespas rezo enn sesion permanan zisteman.

Pou met ou profil azour

Ou lib pou les bann informasion ki ou trouv itil pou ki bann lezot manb rezo-la konn ou, paret lor ou profil.Si ou donn enn tigit mem informasion kan ou pe inskrir ou, ou kapav revinn lor ou profil ninport kan letan ou klik lor ou non itilizater ( lao dan drwat ant « Resers » ek « Dekonekte ou »)

Tue, 04/03/2018 - 20:09 Permalink
Kelly Leonide

Mo trouv to tradiksion bon Kelly.

Apart sa fraz la : 'Ou lib pou les bann informasion ki ou trouv itil pou ki bann lezot manb rezo-la konn ou, paret lor ou profil ' 

mo trouv li ti pou meyer koumsa : 'Ou lib pou les bann informasion ki ou trouv itil paret lor ou profil pou ki bann lezot manb rezo-la konn ou.'

E to bann gilme pa sinp, li doub.

Apre mo trouv ou'si ki tonn tradir tou seki dan gilme apar 'Geographic location'. Kifer?

Tue, 04/17/2018 - 07:42 Permalink
kelly Ang-Ting Hone

Mo dakor ar to propozision pou premie fraz-la.Mersi smiley Mo'nn prefer les 'GEOGRAPHIC LOCATION' kouma li ete parski dan tex orizinal-la li deza an angle.

Tue, 04/17/2018 - 08:39 Permalink
Kelly Leonide

Mo'nn al lor forom terminolozi e banla inn dir ki tradiksion 'onglet ' se 'tab' .

Tue, 04/03/2018 - 20:22 Permalink
kelly Ang-Ting Hone

Daniella inn dir ki nom bann tab bizin ant gilme sinp ek konpoze ar let kapital.Bann lien bizin ant crochet [...]

Wed, 04/04/2018 - 12:50 Permalink
Emmanuel Thomasoo

Tradiksion deziem parti:

Mo'nn met ban mo ki mo pa sir si mo'nn bien tradir an italik

 

Rant dan enn lekip lokal ou enn group travay

Letan ou'nn rant dan Lespas rezo, ou kapav rezwenn ou lekip lokal ek tou bann group dan ki ou anvi travay.

Rant dan enn lekip lokal

Pou rant dan enn lekip lokal, klik lor tab 'ki sanla ki sanla' lor paz akey Lespas rezo, apre lor 'Abonn ou dan enn group' pou lekip ki konsern ou. Si ou lekip pankor kre, ou kapav kre li.

Rant dan enn group travay

Pou rant dan enn group travay, al dan menu 'Mo bann group' dan bar sesion(bar nwar) ek klik lor 'Abonn ou dan enn group' pou swazir ou group travay. Ou kapav rant dan plizir group travay.

Tue, 04/03/2018 - 20:43 Permalink
Emmanuel Thomasoo

Ti pou preferab ki pou emprunt li parski letan nou tradir li mo pa panse nou pou kapav gard sans-la.

Tue, 04/17/2018 - 08:35 Permalink
kelly Ang-Ting Hone

Pou 'rezime' ki nou'nn deside finalman?

 

Tue, 04/17/2018 - 08:29 Permalink
Kelly Leonide

Eski zot trouv li pe fer mem sans? 

Si pena lot sigzesion mo panse nou kapav less li koumsa mem parski body li enn rezime mem lor profil manb-la, kouma enn deskripsion.

Ou nou met 'deskripsion' ?

Tue, 04/17/2018 - 08:37 Permalink
kelly Ang-Ting Hone

Mo panse 'deskripsion' enn term inpe pli pros ar "body" me an mem tan mo-la deza an angle,nou ti kapav les li koumsamem.

Tue, 04/17/2018 - 08:42 Permalink
Emmanuel Thomasoo

'Body' pa pwena mem sans dan KM. Alors ti pou preferab nou emprunt li. 
Me mo trouv 'deskripsion' enn bon alternatif ek mo propoz mo 'striktir'.

Tue, 04/17/2018 - 08:46 Permalink
kelly Ang-Ting Hone

Mo'nn met tradiksion la an antie lor word pou gete si ena larmoni dan tradiksion bann term ki repete ek ponktiasion.

Tue, 04/17/2018 - 08:46 Permalink
Kelly Leonide

'Indik nom lekip-la e ekrir enn deskripsion dan 'rezime' '

Mo'nn fini met deskripsion dan fraz-la, mo pa kapav reservi li.

 

Tue, 04/17/2018 - 09:03 Permalink
Kelly Leonide

Oubien mo kapav met li koumsa : ' Indik nom lekip-la e ekrir enn rezime dan deskripsion'

Ki zot panse?

Tue, 04/17/2018 - 09:04 Permalink
Emmanuel Thomasoo

'Deskripsion' pou bizin ant gilme lerla mo panse akoz li enn nom tab.

Tue, 04/17/2018 - 09:15 Permalink
Kelly Leonide

Dakor, mo servi sa mem.

Eski nou kapav finaliz tradiksion la?

Ena lot sanzman pou fer ou lot sigzesion pou propoze?

Tue, 04/17/2018 - 09:24 Permalink
kelly Ang-Ting Hone

Version final tradisksion :

Lespas rezo-la ek asosiasion

1. Pou paret lor kart rezo-la
2. Pou rant dan Lespas rezo
3. Pou met ou profil azour
4. Pou rant dan enn lekip lokal ouswa enn group travay
4.1 Pou rant dan lekip lokal
4.2 Pou rant dan enn group travay
5. Pou kre ou lekip lokal
6. Pou kre enn group travay
7. Pou propoz enn nouvo session

Pou paret lor kart rezo-la

Nou rezo planeter vizib lor enn kart,me sak manb ena enn kitsoz pou fer pou ki li paret lor la.

Rant dan ‘MO KONT’ , apre dan ‘GEOGRAPHIC LOCATION’ ek met ou ladres. Met omwin de eleman : ou pei ek lavil. Apre, anrezistre.

Pou rant dan lespas rezo

Enn fwa ou’nn inskrir ou lor sit-la, ou kapav al dan Lespas rezo si ou swiv bann instriksion sa paz-la. Pou rant dan Lespas rezo, ou bizin swazir li dan ‘MO BANN SESION’ ouswa sanz sesion si ou dan enn lot sesion.Lespas rezo enn sesion permanan zisteman.

Pou met ou profil azour

Ou lib pou les bann informasion ki ou trouv itil paret lor ou profil pou ki bann lezot manb rezo-la konn ou. Si ou donn enn tigit mem informasion kan ou pe  inskrir  ou, ou kapav revinn  lor ou profil ninport kan letan ou klik lor ou non itilizater (lao dan drwat ant ‘RESERS’ ek ‘DEKONEKTE OU’)

Rant dan enn lekip lokal ou enn group travay

Letan ou'nn rant dan Lespas rezo, ou kapav rezwenn ou lekip lokal ek tou bann group dan ki ou anvi travay.

Rant dan enn lekip lokal

Pou rant dan enn lekip lokal, klik lor tab 'KI SANLA KI SANLA ?’ lor paz akey Lespas rezo, apre lor ‘ABONN OU DAN ENN GROUP’  pou lekip ki konsern ou. Si ou lekip pankor kre, ou kapav kre li.

Rant dan enn group travay

Pou rant dan enn group travay, al dan menu déroulant 'MO BANN GROUP' dan bar sesion(bar nwar) ek klik lor ‘ABONN OU DAN ENN GROUP’ pou swazir ou group travay. Ou kapav rant dan plizir group travay.

Kre ou lekip lokal

konekte ou lor sit [https://www.miriadi.net/] avek ou login ;
Klik lor MO BANN SESION' pou rant dan lespas rezo;
Lor paz lakey lespas rezo-la, klik lor tab 'KI SANLA KI SANLA?' ;
Klik lor bouton  'Kre enn lekip lokal' ;
Indik nom lekip-la e ekrir enn rezime dan deskripsion ;
Pa bliye klik lor anrezistre.

Kre enn group travay

 Konekte ou lor sit [https://www.miriadi.net/] avek ou login ;
Klik lor ‘MO BANN SESION’ pou rant dan lespas rezo;
Lor paz lakey lespas rezo-la, klik lor tab ‘BANN GROUP TRAVAY’  ek an dernie lor ‘KRE ENN GROUP TRAVAY’ .Pa bliye anrezistre.

Propoz enn nouvo sesion

Bann instriksion pou kre enn propozision enn nouvo sesion e pou partisip dan sa sesion-la lor paz ‘KONPOZ BANN SESION’.

 

 

 

Wed, 04/18/2018 - 12:55 Permalink
kelly Ang-Ting Hone

Mo'nn bizin koriz mo 'click' partou dan tradiksion-la parski se enn emprunt .

Sey reget sa version-la avan met lor pad ;

Lespas rezo-la ek asosiasion

1. Pou paret lor kart rezo-la
2. Pou rant dan Lespas rezo
3. Pou met ou profil azour
4. Pou rant dan enn lekip lokal ouswa enn group travay
4.1 Pou rant dan lekip lokal
4.2 Pou rant dan enn group travay
5. Pou kre ou lekip lokal
6. Pou kre enn group travay
7. Pou propoz enn nouvo session

Pou paret lor kart rezo-la

Nou  rezo  planeter  vizib  lor  enn kart, me  sak  manb ena enn kitsoz pou fer pou ki li paret  lor  la.

Rant dan ‘MO KONT’ , apre dan ‘GEOGRAPHIC LOCATION’ ek met ou ladres. Met omwin de eleman : ou pei ek lavil. Apre, anrezistre.

Pou rant dan lespas rezo

Enn fwa ou’nn inskrir ou lor sit-la, ou kapav al dan Lespas rezo si ou swiv bann instriksion sa paz-la. Pou rant dan Lespas rezo, ou bizin swazir li dan ‘MO BANN SESION’ ouswa sanz sesion si ou dan enn lot sesion.Lespas rezo enn sesion permanan zisteman.

Pou met ou profil azour

Ou lib pou les bann informasion ki ou trouv itil paret lor ou profil pou ki bann lezot manb rezo-la konn ou. Si ou donn enn tigit mem informasion kan ou pe  inskrir  ou, ou kapav revinn  lor ou profil ninport kan letan ou klik lor ou non itilizater (lao dan drwat ant ‘RESERS’ ek ‘DEKONEKTE OU’)

Rant dan enn lekip lokal ou enn group travay

Letan  ou'nn  rant dan  Lespas rezo, ou  kapav  rezwenn ou lekip  lokal  ek  tou bann group dan ki ou anvi travay.

Rant dan enn lekip lokal

Pou rant dan enn lekip lokal, click lor tab 'KI SANLA KI SANLA ?’ lor paz akey Lespas rezo, apre lor ‘ABONN OU DAN ENN GROUP’  pou  lekip ki konsern ou. Si ou lekip  pankor kre, ou kapav kre li.

Rant dan enn group travay

Pou rant dan enn group travay, al dan menu déroulant 'MO BANN GROUP' dan bar sesion(bar nwar) ek  click lor ‘ABONN OU DAN ENN GROUP’ pou  swazir ou group travay. Ou kapav rant dan plizir group travay.

Kre ou lekip lokal

Konekte ou lor sit [https://www.miriadi.net/] avek ou login ;
Click lor MO BANN SESION' pou rant dan lespas rezo;
Lor paz lakey lespas rezo-la, click lor tab 'KI SANLA KI SANLA?' ;
Click lor bouton  'Kre enn lekip lokal' ;
Indik nom lekip-la e ekrir enn rezime dan deskripsion ;
Pa bliye click lor anrezistre.

Kre enn group travay

 Konekte ou lor sit [https://www.miriadi.net/] avek ou login ;
Click lor ‘MO BANN SESION’ pou rant dan lespas rezo;
Lor paz lakey lespas rezo-la, click lor tab ‘BANN GROUP TRAVAY’  ek an dernie lor ‘KRE ENN GROUP TRAVAY’ .Pa bliye anrezistre.

Propoz enn nouvo sesion

Bann instriksion pou kre enn propozision enn nouvo sesion e pou partisip dan sa sesion-la lor paz ‘KONPOZ BANN SESION’.

 

 

 

Wed, 04/18/2018 - 13:10 Permalink
Emmanuel Thomasoo

Mo trouv li bon Kelly. Mo panse kapav met li lor pad.

Wed, 04/18/2018 - 13:12 Permalink