Skip to main content

A legenda di a stella di e muntagne

Fola

In la valle d’aoste, tempi fà, ci era una muntagna chì li piacia à diciulà a ghjurnata sana cù l’animalucci piatti trà i scoglii.
Ma ghjuntu a notte si sintia suletta è techja di melanculia, li scappava u pientu senza piantà.
In celu, a luna è e stelle a guardavanu senza pudella aiutà.
Una notte, una stelluccia si staccò da u firmamente.
A a lestra, sfilò per a volta cilesta,  si ne falò in terra è si calò à nantu à a muntagna.
Sculisciò trà i scoglii è si stracquò à mezu e spilonche.
Quandu a muntagna a visse li dumandò :
Cumu hai fattu per cascà  quì ?
-U to pientu aghju intesu è tandu aghju decisu di vene per fatti un pocu di cumpania
A muntagna asciuvendu duie lacrime, fessi una risetta, ma  a stilluccia infritulita trimava à più pudè.
Tandu a muntagna li messi adossu piumucce lebbie lebbie da riscaldalla.
Cun tenerezza, a stilluccia s’abbrancò à e radiche solide di i ghjallichi è s’addurmintò.
U ghjornu dopu, cum’è di solitu, u sole spuntò  … poca surpresa ùn ebbe guardendu versu à a muntagna !
Scuprì un bellu fiore bambacciutu cun petali d’argentu. Era nata a Stella di a muntagna in a nuttata. E cusi fù chjamata.

Note culturale

 A stelle di e muntagne misura da 3 à 20 cm di altu è sbuccia da 1270 à 3000 metri d’altitudine è preferisce i monti calcinosi alti alti. Si ne ghjovanu assai in l’industria cusmetica per i so virtù appacevule contra l’infiarere.

Origine

École Primaire de Valpelline
Studienti : Giulianna BELLOTTO, Ezer BEN KHALIFA, Alice BONATO, Nina CANTORE, Jamiro CAPO, Andrea FORNARI, Xenia Maidli RAMILLO, Siham TALIBI, Chiara TIOTTO, Iris TRIPODI,
Prufessore Mme Anna PETITJACQUES
Staziante Mlle Tania JOTAZ PETITJACQUES, Université de la Vallée d’Aoste
Prughjettu EFTLV Comenius Regio Des contes dans nos langues : du bilinguisme au plurilinguisme
Coordinatori di prughjettu è partenarii
Région autonome de la Vallée d’Aoste
Assessorat de l’éducation et de la culture
• Centre d’études francoprovençales René Willien
• Walser Kulturzentrum
• Alliance française de la Vallée d’Aoste
• CIEBP (Centre d’information sur l’éducation bilingue et plurilingue)
• Institution Scolaire Communauté de Montagne Mont-Emilius 1 de Nus
• Institution Scolaire Jean-Baptiste Cerlogne de Saint-Pierre
• Institution Scolaire Communauté de Montagne Grand-Combin de Gignod
• Institution Scolaire Walser Mont-Rose B de Pont Saint-Martin
• Institution Scolaire Communauté de Montagne Valdigne Mont-Blanc de Morgex
• Institution Scolaire Saint-François d’Aoste
• Institution Scolaire Communauté de Montagne Mont-Emilius 3 de Charvensod
• Institution Scolaire Luigi Barone de Verrès Commune du Vigan
• Ligue de l'enseignement (Gard)
• Médiathèque – Communauté des communes du Pays Viganais – Le Vigan 30
• École JP Florian – St Privat des Vieux 30
• École maternelle J Carrière – Le Vigan 30
• École élémentaire J Carrière – Le Vigan 30
• École élémentaire Berthelot – Carcassonne 11
• École maternelle Berthelot – Carcassonne 11
• Groupe scolaire Jean Bonijol Mende 48
• École maternelle Michel Maurette – Thuir 66
• DSDEN de l'Aude
• DSDEN du Gard
• DSDEN de la Lozère
• IUFM de Montpellier – 34 – site de Perpignan
Cumitatu scentificu: Rita Decime, Christiane Dunoyer, Claire Torreilles, Gabriella Vernetto, Elisabeth Zurbriggen, Jean Duverger, Gérard Roques.